Euskal Herriko Feminista Erradikalak

Martxan jarri dugu ERROTIK , gure gurea den Podcast-a!     Bigarren saio honetan, irailaren 23 dela eta, hau da, sexu salerosketaren aurkako nazioarteko eguna, Sexu-explotazioaren industriaz aritu gara, gure begirada Euskal Herrian eta bereziki Euskal Autonomi Erkidegoan jarriz. Batzuk Oasis-a deitzen duten hori infernua bait da.  EAEko egoeraren berri eta honek emakume eta gazteen sexu salerosketarekin bukatzeko dituen akzio edo inakzio planen berri jakin nahi ba duzue ez galdu Podcast-a. Puterorik gabe ez dago prostituziorik, prostituziorik gabe, ez dago tratarik. Feminismoa abolizionista da.  https://archive.org/details/podcast-ehfe-contra-la-trata  

Martxan jarri dugu ERROTIK , gure gurea den Podcast-a!      Garai distopikoak bizi ditugu, neoliberalismoaren hedapena eta garaipenak mundua, ezagutzen genuen bezala, desagerrarazten ari dira. Garai likidoak dira, dena da subjetiboa, dena da indibiduala (askatasun indibidualak, eskubide indibidualak…) Ni-a Gu-ren gainetik. Dena dago salgai, edozer eros daiteke, baita giza haragia ere. Gobernuak eta parlamentuak eliteen, multinazionalen eta korporazio handien eskuetan dauden txontxogiloak besterik ez dira, botere formala izan dezakete, hori sinestarazi nahi digute; baina hariak mugitzen dituztenek agintzen dute, eta plan argia daukate, bai horixe.  Neoliberalismoak ez dauka mugarik, Lur planetan dagoen guztia bereganatu nahi du. Dena erosi, dena saldu, dena diru bihurtu, giza hagia ere bai. Hori da azken muga eta gainditzera doaz. Kapitalismo neoliberalaren estrategia global da. Aurreko mendean odolez eta izerdiz borrokatutako emakumeen eta langileen eskubideak galtze